Startseite -> Index

Fritze Voßmeyer

Inne Klus, vorren Bronswiekschen Dore, wohne Fritze Voßmeyer. Hai arbeie bie Lumpensammler Wedekind, un sammele Lumpen un Knoken.

Fritze harre en olen Gaul, dä hai vorren lüttjen Wagen spanne. Dat Pärd was awer en olen Klepper, däne man dä Rippen tellen kunne.

Dä lutterschen Jungen holen dän Wagen hinne feste, un dann schimpe un slaig Fritze na alle Sieten, dat Pärd kam' awer nich mer wieder.

Fritze harre roe Haare, darumme utzen sä öhne. Wenn awer dorche Straten trecke un mit seine skrillije Stimme Lumpen, Knoken un Papier raipe, hatte manchet Wostkniebel un manchen Pennig taue slocken krejen.

Einmal harren se Fritzen oppen Lutterspring düchtig midde Brannewien un Beier traktiert. Hai harre sick bet owen voll lopen laten.

Wie e' nu na Huse gaiht, un balle da is, torkelte in' Grawen rinner un ersupet vorr siene Husdöre inne Heidteichsriede. Hai was musedot.

Altvater Ernst Jakobi