Startseite -> Index

Dä Kratzerverein

In Lutter is vorr Jahren mal einer tauereiset, dä haite Bernhard Nepomuk. Hai hat tauerst bie Städter oppen Kattreppeln e'wohnt, is dann awer oppe Elmstrate in dat Hus, wo et innen Gatter rinne gaiht e'trecket.

Nepomuk wörren lustijen Kerel. Hai harre balle en Hupen Kerels um sick, un se maken en Verein opp.

Weil se nu alle düchtig wat verdragen kunnen, unne Sluck sau sachteken dä Kehle runner kratzen dä, gawwen se öhren Verein den Namen "Kratzerverein". Innen Verein wörren dä ole Klowecke, Eichenwirt Baukheister, Starke, dä ole Sandsegger, Karl Esch unne Owerkratzer wörre Bernhard Nepomuk.

Wie nu dä leiwe Owerkratzer eines Dages Slachtefest fiern will, kaimen dä ganzen Kratzer annemarschiert, inn' Gausemarsch un jeder harre ne Pulle Brannewien inne Hand.

"Dä Owerkratzer Nepomuk,
dä wörre ganz zornig wild.
Griff snell taun Stahl un Messer hin
Und stach dat Schwien geschwindt."

Sau sungen später dä ganzen Kratzer. Sai vertellen ok smunzelnd, datt se datt ganze grote Schwien oppefreten hett, unne ole Nepomuk ann' meisten e'freten unne sopen herre.

Awer dä Owerkratzer harre neinen Schaden vonne hat. Dä Kratzer herren öhne allet wedder hennebrocht, als se sülwest e'slacht hett.

Unn noch na veelen Jahren hett se e'smunzelt unne lacht, wenn se an datt Slachtefest bie Nepomuk e'dacht hett.

Altvater Peters