Startseite -> Index

Kattenkopp Bühring

Oppe Westernstrate wohne Kattenkopp Bühring. Hei was Bierbrauer, brenne Sluck un harre nen groten Buernhoff.

Wenn dä Fruenlüe morjens in aller Herrgottsfräue oppen Hoff kaimen, was Kattenkopp schon beinig. Wenn dä letzte Knecht vonn' Howwe runner gung, was hai noch butten un kieke hinner dorcher.

Sienen Namen harre vonne lüttjen Kattenköppe e'krejen, in dä dat Beier drinne was.

Hei harre ok oppen Lutterspring den groten Beierkeller buen laten un wie dä nich mehr hinrecke, lat hai den Felsenkeller vorren Holte anne Försterwiese buen.

Man sejjt ok, hai herre veele ole Hüser billig oppeköpet un se dann annestoken, um veel Geld vonne Versicherunge davorr tau bekomen.

Sundags draug hai en langen bluen Rock midde Waterloomedaille daropper, hai harre nämlich jejen Napoleon middekämpfet.

Wenn et Geld gaff, Friedags awends, unne Lüe öhre Mütze trecken un "N'awend Herr Bühring!" sejjen, dann schimpe hai hinnerher un sejje: "Herr Bühring, Herr Bühring, datt ick nich lache, dä ganze Woche heite ick Kattenkopp un wenn' je Geld kriejen dait, bin ick Herr Bühring".

As dä Arbeitslüe keine Wohnungen kräjen un klagten, datt se in sonne olen Budiken hausen mosten, sejje dä ole Kattenkopp: "Datt geiht sau nich mehr, ick bue jüch Hüser."

Dann hatte vorren Kauhdore dä Finkenburg e'but, unne Lüe wörren nu taufreen un harren schöne Hüser.

Heinz-Bruno Krieger