Startseite -> Index

Vadder Isensee un sien Fründ Dorenbusch

In Lutter lewete fräuer en Bäckermester, dä Vadder Isensee heite. Hai was en düchtigen Kerel un harre oppe Westernstrate ne Bäckerie.

Vadder Isensee was sau düchtig, datt sick ann' Kauhdore en grotet Hus köpe un hier ne grote Landwirtschaft führe.

Hai harre nur einen groten Fehler, hai harre immer en groten Hunger. Watt ne unner dä Finger kam, at hai opp.

Sien Fründ, dä ole Dorenbusch was en groten Jäger. Einmal harre hai twei Hasen e'schoten un brochte dä na Vadder hen.

Dä lat dä Hasen, datau en groten Rehrücken, taurechte maken, vertehre allet, slunge dann noch ne grote Slagwost von veier Pund hinnerher un supe datau fief Liter Bidderbeier, keke dann op nich noch wat da wörre.

Siene Frau was sone grote, Lange, un was en grozen Geizkragen: "Vadder, Vadder", meine sei, "du fritt us noch bankrott".

Awer dä ole Vadder fräte un supe düchtig wieder, sau lange, bette sienen Hinnersten tau e'kneppen harre.

Seitdem sejjet man in Lutter, wenn einer veel fritt: "Na, du bist woll bie Vadder Isensee inne Lehre e'west."

Fräulein Paarman