Startseite -> Index

Bomkuk Gier

Inn' Stifte, in dä Klosterstrate wohne dä ole Bomkuk Gier. Hai harre en groten Fullbart un plante dä Lüe Böme inne Garen un wusste sau gaut Bescheid datte dat Gras unne Böme wassen höre.

Bomkuk konne ok bespräken un mehr sein wie dä annern, hei was inne Niejahrsnacht e'boren.

Bomkuk hewe ok jern einen. Einmal salle en ganzen Kattenkopp Ducksteinbeier utesopen hewwen.

Hei was ok bie Füerwehr. Als dä gäle Zibbe awwebrannt is, da leif Bomkuk noch schnell oppen Boden ropper, un kieke na, op nich noch wat tau supen da was.

Da sah hei ne grote Pulle in einer Ecke stahn, hei dacht dat da Sluck drinne wörre, nam' se vorren Hals un wulle se utsupen, awer hei verpruste sick höllisch, denn et was Petroleum drinne.

Dat hat einer e'seihn, un as Bomkuk annern Dag na Lutter runner kam, reipen dä Kramm' hinnernher:

"Ach Krischan, lat dat Supen sien,
kannst ja wat verdragen!
Doch stink'ste Uten Hals wien Swien,
Petroleum is nist vorrn Magen!"

Heinz-Bruno Krieger