Startseite -> Index

M I Ä N E K E N

Miäneken, Miäneken, wat löpste ohne Rauh ? -
Wat löpste, seg', wat löpste, in ainen jümmertau ?
Du rackerst dick tauweje, un slepest sware Last -
Un neiner kann mick seggen, wenn du dick settst taur' Rast.

Mien Swestern, miene Bräuder, dä help ick jümmertau;
Et gift sau veel tau dauen, wat schall dä veele Rauh ?
Ick sorje vorren Winter, allet tau siener Tiedt, -
Un freu mick mienet Lewens, wat is dai Welt sau wiet !

In' Holte un in' Felle, bie Dage un bie Nacht,
Da bu ick mien Tauhuse, da bin ick opper Wacht !
Dä Sunne schient von' Hewen, lücht allet voller Pracht;
Wat schall ick dann wolljammern, wenn mick dat Harze lacht !

Heinz-Bruno Krieger