Startseite -> Index

NEINE STUNNE ...

Behäu dick Gott, mien leiwet Kind,
Lat dick et woll ergahen. -
Dä Tied ailt wie dä Susewind,
Du kannst nich wedderstah'n ...

Dä Sunne lacht een Oogenblick,
An Hewen Wolken trecket. -
Un alle Dröme, allet Glück
Erinnerungen wecket ...

Noch haste Tied, behohl et woll,
Dä Teiger jöcht dä Stunne. -
Dat Glas is bett' taun Ranne vull,
Un schient ok hell dä Sunne ...

Doch denke dran, dä Tied gaht henn,
Verschiebe nist op morien. -
Sai fröcht nich veel, - na watt un wenn,
Kannst neine Stunne borjen ...

Heinz-Bruno Krieger