Startseite -> Index

Dat Nonnenhaus anne Stadtkerke

Anne Stadtkerke in Lutter lijt dat Rathus, dat is fräuer en' Nonnenhus e' west. Fräuer, vorr nu woll hunnert Jahren, hat hier mal en Mäken e' deint, dat awens mal in'n Keller runner gaen solle, um wat ropp tau halen.

Wie se nu da unne is, kumt op einenmal en groten Kerel mit ne Kapuze owern Koppe un en langen swarten Mantel an, op sei tau. Da hat dat Mäken vorr Angest nich e' wußt, wattet maken schölle.

Et is sau hille wäer ropper lopen, wie et nur e' könnt hat; un is nie wäer in'n Keller runner e' gähn.

Später, wie et dat verteilt hat, hat ole Lüe e' sejjt, dat dütt en Spaukegeist uten Kloster e'west wörre, dä in Grawe keine Rauhe finden dä.

Hei harre tau siene Lewetied immer heimlich düsset Nonnenhus dorchen unnerirdschen Gang oppesocht un harre sick hier midde Nonnen e' dropen.

Von Altmutter Röder, Königslutter